Sies Bleeker, Boele Bregman, Anook Cléonne, Luuk de Greef, Miriam Hoogendoorn, Tjibbe Hooghiemstra, Ellis Jeurink, Thijs van Kimmenade, Emilio Kruidhof, Emmie Muller, Albert Oost, Anja Swint, Alexandra Roozen, and Monique Vogelsang.

4 07 – 1 08 2026

Sybren Hellinga Stichting presentearret:
Galery Hellinga - It Hûs mei de Earn
kurator: Albert Oost

Feestlike iepening op 4 july yn Keunsthûs Syb
Lokaasje: Keunsthûs Syb, Haadstrjitte 70, Beetstersweach
Perioade: 4 july - 1 augustus
Iepjen:14:00 – 17:00 oere
Tentoanstelling: 4 july o/m 1 augustus 2026
Iepeningstiden: tongersdei, freed en sneon, 13.00 – 17.00 oere
It docht Keunsthûs Syb deugd jo út te nûgjen foar de groepstentoanstelling Galery Hellinga: It Hûs mei de Earn. De tentoanstelling is in earbetoan oan Sybren Hellinga (1925–2000), galeryhâlder, samler en ynspirator foar generaasjes keunstners, en oprjochter fan Keunsthûs Syb. De tentoanstelling bringt wurk byinoar fan fjirtjin keunstners dy’t in spesjale rol spilen yn syn jierrenlange galerypraktyk op ’e Sweach. Der sil ek in feestlike presintaasje wêze fan it boek Syb - Libben en Wurk fan Gitte Brugman. De tentoanstelling is gearstald ûnder behear fan Albert Oost, organisearre troch de Sybren Hellinga Stichting, en presintearre troch Keunsthûs Syb.

PARSEBERJOCHT:
persbericht.pdf

It libben fan Syb fiere.

It libben fan Sybren Hellinga lit him net maklik gearfetsje. Hy wie samler, galeryhâlder, keunstleafhawwer en mentor, mar boppe alles ien dy’t leaude dat keunst minsken ferbynt. De tentoanstelling bringt de wrâld fan Sybren Hellinga noch ienris byinoar: syn entûsjasme, syn gastfrijens en syn bliuwende ynset foar keunstners. Troch wurken dy’t Syb presintearre yn syn jierren as galeryhâlder op ’e Sweach, wurdt de sfear fan Galery Hellinga fannijs oproppen.

De tentoanstelling jout net allinnich in weromsjen op in bysûndere galerypraktyk, mar markearret ek de publikaasje fan it boek Syb – Leven en Werk, dêr’t syn libbensferhaal en neilittenskip yn dokumintearre wurde. 
In wichtich kearpunt yn it libben fan Syb wie it yn ’e kunde kommen mei it wurk fan Boele Bregman. As ien fan Bregman syn iere samlers ûntwikkele er de oertsjûging dat keunst net ferburgen bliuwe moast yn partikuliere kolleksjes, mar dield wurde moast. Nei syn pensjoen brocht er dat ideaal yn ‘e praktyk. Earst yn Britswert, en letter op ’e Sweach, makke er in galery dêr’t keunst, moetings en petearen byinoar kamen.

Earbetoan oan in mienskip fan keunstners

De keunstners yn dizze tentoanstelling wjerspegelje de iepen en yntuïtive wize wêrop’t Syb keunst beseach. Guon eksposearren mar ien kear, wylst oaren geregeld weromkamen. Profesjonele kontakten ûntwikkelen har faak ta langduorjende freonskippen. De wurken dy’t te sjen binne, komme út partikuliere kolleksjes, neilittenskippen en yn brûklien fan keunstners, en litte sjen hoe’t de relaasjes en oertsjûgings dy’t om Galery Hellinga hinne ûntstienen, noch altyd trochlibje. Dêr is dizze tentoanstelling net allinich in retrospektyf mei, mar ek in earbetoan oan in mienskip fan keunstners, samlers en freonen. Boppedat libbet Syb syn ynset foar keunst en jong talint fierder yn Keunsthûs SYB en de Sybren Hellinga Keunstpriis.